Мова продкаў нашых і нашчадкаў –
Шэпт дубровы і пчаліны звон, –
Нам цябе ласкава і ашчадна
Спазнаваць ажно да скону дзён,
Па чужых краях не пабірацца,
Не аддаць цябе на забыццё,
Наша невычэрпнае багацце,
Наша несмяротнае жыццё.
                       Г.Бураўкін

   Дзень роднай мовы асаблівы для кожнай нацыі, кожнага народа, бо няма народа без  мовы, няма мовы без яго носьбіта. І мы, беларусы, не выключэнне. Нам у спадчыну  засталася ўнікальная мова  – жывая і  мілагучная,  песенная і паэтычная, старажытная і сучасная.

      Вельмі цікава і займальна прайшло святкаванне Дня роднай мовы ў нашай школе. Вучні   школы  прынялі ўдзел у акцыі » Смак беларускай мовы», напісаўшы сваё любімае слова на роднай мове.  

      Вучні 9 класа сталі пераможцамі акцыі “ Беларускія фразеалагізмы ў малюнках”.